Ur c'hevredad kevredigezhioù eo K.L.T. da gentañ penn gant ar soñj kas war-raok yezh ha kultur Breizh e bro Montroulez. Ditouriñ a reomp ivez, par mar c'hellomp, an holl re a faot dezhe gouzout hiroc'h diwar-benn ar pezh a vez graet er vro hag e Breizh a-bezh.
          • Kaozeadenn gant Azenor Kallag, luskerez ar brezhoneg war meur a dachenn : Ar Redadeg, Bro-Gembre, ar c'hleweled e brezhoneg...

          • Merc'her 11 a viz Mae 2022
            Ostaleri An Tempo 2022
            8e30 noz
            Digoust
          •  


            Ganet eo Azenor Kallag e 1997 e Lannuon. Brezhonegerez a-vihanik eo ha bet eo skoliataet e skol Diwan Lannuon, skolaj Diwan Plijidi ha lise Diwan Karaez. Ur Master enklask he deus kaset da benn e skol-veur Roazhon 2 er rann yezhoù keltiek, diwar-benn "Argerzh adperc'hennañ ar yezh e Kembre gant skouer kevredigezh Cymdeithas yr iaith Gymraeg".
             

            Hirie an deiz eo kenkadoriadez ar Redadeg, advouezhiañ a ra tresadennoù-bev ha heuliadoù gant Dizale. Bet he deus studiet c'hoariva, sinema ha kembraeg e skol-veur Aberystwyth Bro-Gembre. Luskañ a ra ivez abadenn skinwel sizhuniek Na Petra 'ta !

            He labour gant Dizale eo reiñ danvez d'an dud evit gwelet, sellet ha selaou oberennoù e brezhoneg. Ul labour a-stroll eo, gant komedianezed ha komedianed, teknikourien ar son, ar rener arzel. Lakaet e vez war-wel (Breizh Vod, Troiad Sinema ar skolioù, Sinemarvailh e diavaez ar prantadoù skol) ar pezh a vez krouet da reiñ c'hoant d'an dud da implijout ar yezh e-pad degouezhioù personel pe micherel liesseurt.

            O vezañ bet o vevañ e Bro Gembre e-pad bloaz hanter, eo bet frouezhus an eskemmoù gant tud ar vro. Hirie an deiz ec'h a alies da Gembre en-dro evit kemer perzh e dibenn-sizhunvezhioù yezhel (reiñ kentelioù brezhoneg dre ar c'hembraeg), krouiñ liammoù etre ar gouelioù a vez aozet e Kembre hag e Breizh (Tafŵyl / Gouel Broadel ar Brezhoneg), pe c'hoazh kreñvaat an eskemmoù diwar-benn danvezioù micherel e brezhoneg hag e kembraeg.

            Startijenn forzh pegement he deus Azenor evit kenderc'hel da grouiñ ha da gemer perzh war tachennoù liesseurt e Breizh, da normalizañ he yezh.

          • Azenor Kallag - NB.jpg
      • Embannet gant ar gevredigezh K.L.T.
      • 26/04/2022
      • En savoir Plus
        Dizale - Kleweled e brezhoneg

        Dizale - Kleweled e brezhoneg

        Ar Redadeg

        Ar Redadeg

Logo KLT41 Kae Leon 29600 MONTROULEZ
02 98 63 98 79 - 06 82 77 10 10 - klt@wanadoo.fr
Digor e vez ar burev eus al Lun betek ar Gwener
9e15 / 12e15 – 1e45 / 5e45 g.l.
 
Adkavit K.L.T. war Icon twitter Icon facebook Icon Instagram   Koumanantiñ d'al lizher-kelaouiñ
Région Bretagne Région Bretagne Communauté de communes de Morlaix

 

 
Lakaet da dreiñ gant diasite
Savet gant Diateam