Kaozeadenn vrezhoneg gant Nil Caouissin

KLT

Ur c'hevredad kevredigezhioù eo K.L.T. da gentañ penn gant ar soñj kas war-raok yezh ha kultur Breizh e bro Montroulez. Ditouriñ a reomp ivez, par mar c'hellomp, an holl re a faot dezhe gouzout hiroc'h diwar-benn ar pezh a vez graet er vro hag e Breizh a-bezh.

Breton Français

Bezañ emaoc'h war ar bajenn : Nevezentioù

- - - Kaozeadenn vrezhoneg gant Nil Caouissin
    - Merc'her 22 a viz Even 2022
      Ostaleri An Tempo
      Montroulez
      8e30 noz
      Digoust
    - Kuzulier-rannvro eo Nil Caouissin, ezel eus UDB, bet mouezh-aotreet ar strollad. E Kawan emañ o chom. Kelenner war an istor-geografiezh hag ar brezhoneg eo bet a-raok bezañ dilennet.
      
      E 2021 e oa bet embannet gantañ al levr "Manifeste pour un statut de résident en Bretagne", ur galv da reolenniñ marc'had an tiez a-benn lojañ poblañs Breizh hep distruj douaroù ar vro. Dibaoe en deus dalc'het un ugent bennak a emvodoù foran e Breizh, en Euskadi hag e Provañs, evit brudañ e ginnigoù hag eskemm gant an dud. Ul levr all a oa bet embannet gantañ e 2018 : "Rennes saturée? Une croissance à partager".
      
      Kinniget e vo deoc'h ur sell dre vras war kudenn al lojañ e Breizh, ha kinnigoù resis evit talañ ouzh an diaesterioù, en o zouez ar statud a annezad pennañ.
      
      Da c'houde e kaozeo Nil gant ar sellerien.
- - Embannet gant ar gevredigezh K.L.T.
- - 16/06/2022