Gwel

Lavaret sklaer a ra K.L.T. ez eo par-ouzh-par holl sevenadurioù ha yezhoù ar bed a-fet dinentez. Doujañs hag anaoudegezh a zleer dezhe. Hon identelezhioù kemmesket  a zo gwriziennet er yezh, er sonerezh, en dañs hag e gladoù all ha troet war-zu talvoudoù hollvedel Mab-den. Bevomp asambles en ur bed pinvidik gant e sevenadurioù disheñvel !

Kefridi

Labourat a ra K.L.T. evit ma vo perc'hennet sevenadur Breizh, e kement stumm a zo,  gant an dud. Stourm a ra K.L.T. peurgetket evit un divyezhegezh brezhoneg-galleg kempouez er vuhez sokial, m'en devo ar brezhoneg, benveg ar soñjal, e blas er vuhez pemdez, er vuhez publik, er mediaoù... Lusket eo hon holl obererezhioù gant ar c'hoant da vezañ digor ha da gaout doujañs ouzh an disheñvelderioù.