Kaozeadenn vrezhoneg gant Gweltaz Duval-Guennoc

KLT

Ur c'hevredad kevredigezhioù eo K.L.T. da gentañ penn gant ar soñj kas war-raok yezh ha kultur Breizh e bro Montroulez. Ditouriñ a reomp ivez, par mar c'hellomp, an holl re a faot dezhe gouzout hiroc'h diwar-benn ar pezh a vez graet er vro hag e Breizh a-bezh.

Breton Français

Bezañ emaoc'h war ar bajenn : Nevezentioù

- - - Kaozeadenn vrezhoneg gant Gweltaz Duval-Guennoc
    - Merc'her 22 a viz Here 2025
      8e30 noz
      Ostaleri An Tempo e Montroulez
      Digoust
    - Ganet eo Gweltaz Duval-Guennoc e Roazhon ha bevet en deus e yaouankiz etre Bro-Leon hag ar C'hreiz-Breizh, bet desket brezhoneg gant e gerent hag er skolioù Diwan betek al lise e Karaez.
      
      Entanet eo gant ar stlenneg abaoe e vugaleaj, ha daoust da vezañ studiet an dachenn-se er Skol-Veur eo bet da gentañ da labourat evel bravigour e Pariz. Distroet eo da Vreizh ha d'ar stlenneg 8 vloaz war-lerc'h.
      
      Emañ bremañ Gweltaz o chom e-kichen Karaez, e-lec'h m'emañ o vuheziñ atalieroù war ar programmiñ e lise Diwan hag e Kemper gant ar gevredigezh "Les Portes Logiques". Abaoe 5 bloaz emañ o labourat war naouegezh ar vouezh e brezhoneg, war e amzer-dudi da gentañ ha gant ar gevredigezh Dizale abaoe warlene. Emaint o tiorren Anaouder, ur meziant evit sikour d'an treuzskrivañ ha d'an istitlañ.
      
      Ar gaoz gant Gweltaz a vo lakaat war an naouegezh artifisiel (an IA) dre vras : perak hag evit peseurt ?
- - Embannet gant ar gevredigezh K.L.T.
- - 20/10/2025